தீபாவளி பண்டிகையையொட்டி சிறப்பு ரயில்கள் அறிவிப்பு

தீபாவளி பண்டிகையையொட்டி பயணிகளின் கூடுதல் நெரிசலைக் குறைக்கும் வகையில், தமிழகத்தின் பல்வேறு பகுதிகளுக்கு 6 ஜோடி சிறப்பு ரயில்களை தெற்கு ரயில்வே அறிவித்துள்ளது.

1. ராமேஸ்வரம் – சென்னை எழும்பூர் சிறப்பு ரயில் (06104/06103), நவம்பர் 5-ம் தேதி இரவு 8.15 மணிக்கு ராமேஸ்வரத்தில் இருந்து புறப்படும் ரயில், மறுநாள் காலை 11 மணிக்கு சென்னை எழும்பூர் சென்றடையும். மறுமார்க்கத்தில் நவம்பர் 7-ம் தேதி அதிகாலை 12.30 மணிக்கு சென்னை எழும்பூரில் இருந்து புறப்பட்டு, அதே நாள் பிற்பகல் 3.50 மணிக்கு ராமேஸ்வரம் சென்றடையும்.

2. ராமேஸ்வரம்-தாம்பரம் ஒருவழிச் சிறப்பு ரயில் (06108), நவம்பர் 9-ம் தேதி மாலை 4.55 மணிக்கு ராமேஸ்வரத்தில் இருந்து புறப்பட்டு, மறுநாள் காலை 10 மணிக்கு தாம்பரம் சென்றடையும்.

3. திருவனந்தபுரம் வடக்கு-தாம்பரம் சிறப்பு ரயில் (06164/06163), நவம்பர் 10-ம் தேதி இரவு 8 மணிக்கு திருவனந்தபுரம் வடக்கில் இருந்து புறப்பட்டு, மறுநாள் காலை 11 மணிக்கு தாம்பரம் சென்றடையும். மறுமார்க்கத்தில் நவம்பர் 11-ம் தேதி பிற்பகல் 2 மணிக்கு தாம்பரத்தில் இருந்து புறப்படும் ரயில், மறுநாள் அதிகாலை 5 மணிக்கு திருவனந்தபுரம் வடக்கு சென்றடையும்.

4. சென்னை எழும்பூர்-ராமேஸ்வரம் சிறப்பு ரயில் (06037/06038), நவம்பர் 10-ம் தேதி அதிகாலை 12.30 மணிக்கு சென்னையில் இருந்து புறப்பட்டு, மாலை 5.30 மணிக்கு ராமேஸ்வரம் சென்றடையும். மறுமார்க்கத்தில் அதே நாள் இரவு 8.15 மணிக்கு புறப்பட்டு, மறுநாள் காலை 11 மணிக்கு சென்னை எழும்பூர் வந்தடையும்.

5. தாம்பரம்-செங்கோட்டை சிறப்பு ரயில் (06089/06090), நவம்பர் 9-ம் தேதி இரவு 11.55 மணிக்கு தாம்பரத்தில் இருந்து புறப்பட்டு, மறுநாள் பிற்பகல் 12.15 மணிக்கு செங்கோட்டை சென்றடையும். மறுமார்க்கத்தில் நவம்பர் 10-ம் தேதி மாலை 3 மணிக்கு செங்கோட்டையில் இருந்து புறப்பட்டு, மறுநாள் அதிகாலை 3.20 மணிக்கு தாம்பரம் வந்தடையும்.

6. திருவனந்தபுரம் வடக்கு-சென்னை எழும்பூர் சிறப்பு ரயில் (06158/06157) நவம்பர் 10-ம் தேதி இரவு 7.40 மணிக்கு திருவனந்தபுரம் வடக்கில் இருந்து புறப்பட்டு, மறுநாள் பிற்பகல் 1 மணிக்கு சென்னை எழும்பூர் சென்றடையும். மறுமார்க்கத்தில் நவம்பர் 11-ம் தேதி பிற்பகல் 3.15 மணிக்கு சென்னையில் இருந்து புறப்பட்டு, மறுநாள் காலை 7.15 மணிக்கு திருவனந்தபுரம் வடக்கு சென்றடையும்.

இந்த ரயில்கள் முக்கிய ரயில் நிலையங்களில் நின்று செல்லும். ராமேஸ்வரம்-சென்னை சிறப்பு ரயில்களுக்கான முன்பதிவு நவம்பர் 3-ம் தேதி இன்று காலை 8 மணிக்குத் தொடங்கும். மற்ற சிறப்பு ரயில்களுக்கான முன்பதிவு தேதி பின்னர் அறிவிக்கப்படும் என தெற்கு ரயில்வே தெரிவித்துள்ளது.